Настава

Во плановите за реализација на воспитно – образовниот процес, училиштето предвидува наставно – научни екскурзии, чија цел е практично усвојување на знаења од културата и општеството на народите, во земјата и пошироко. Во таа смисла, наставно – научните екскурзии одат во прилог на збогатување на стекнатите сознанија од различни области, поттикнување на критичкото мислење, но и развивање повисок степен на социјализација кај учениците.

Во текот на оваа учебна година училиштето планира да организира еднодневни и повеќедневни екскурзии од научен, стручен, спортско-рекреативен и културно – воспитен карактер на различни дестинации, а во зависност од потребите и интересите на учениците.

• За учениците од втора, трета и четврта година се планира реализација на шестдневна екскурзија, која ќе биде од културно – едукативен, воспитен и научно – рекреативен карактер и ќе биде изведена во неколку градови во Европа, а во зависност од потребите и интересите на учениците и во согласност со изборот на мнозинството од учениците.
• За учениците од втора година се планира реализација на дводневна екскурзија, која ќе биде од културно – едукативен, воспитен и научно – рекреативен карактер и ќе биде изведена во неколку градови во Република Северна Македонија а во зависност од потребите и интересите на учениците. Таа ќе биде поврзана со теми и содржини од наставните предмети од втора година.
• За учениците од прва година се планира реализација на дводневна, која ќе биде од културно – едукативен, воспитен и научно – рекреативен карактер и ќе биде изведена во неколку градови во Република Северна Македонија, а во зависност од потребите и интересите на учениците. Таа ќе биде поврзана со теми и содржини од наставните предмети од прва година.
• Училиштето планира да организира и една еднодневна стручно – истражувачка екскурзија, во зависност од потребите и интересите на учениците, на која ќе можат да присуствуваат ученици од сите четири години.
• Оваа учебна година се планира и организирање на научно-едукативни екскурзии наменети за учениците од сите четири години, со посета на збратимено училиште во Власинце, Србија, театарски претстави во Белград и Фестивалот на наука во Белград, како и посета на Античка Македонија во текот на месец октомври, ноември, декември и  февруари, а во зависност од потребите и интересите на учениците.
• За учениците од сите четири години, предвидени се есенска и пролетна еднодневна екскурзија.
• Училиштето оваа година планира да организира и наградна екскурзија за оние ученици кои покажуваат континуиран одличен успех и примерно поведение, но исто така учествуваат и во различни активности за афирмација на училиштето, во зависност од нивните потреби и интереси.
• Оваа учебна година, во својата програма за работа училиштето планира и организирање на зимување, летување и кампување, како спортско – рекреативни екскурзии на територија на Република Северна Македонија и  соседството за учениците од сите четири години, а секако согласно со Правилникот за екскурзии.

Сите екскурзии освен согласност од родителите, мора да имаат согласност и од директорот. Термините за реализација може да се менуваат во зависност од временските услови или работните обврски на учениците и наставниците. За организација на секоја екскурзија изработена е детална програма, а организацијата ќе биде во согласност со Правилникот за организирање на екскурзии. Истите ќе бидат реализирани доколку постои потреба и интерес од страна на учениците.