Спроведување на програмата Млади во циркуларна економија (Girls Go Circular)

Нашето училиште во соработка со ЏА Македонија со посредство на менторот проф. Петре Трајковски ја спроведе и програмата Млади во циркуларна економија (Girls Go Circular), развиена од Европскиот институт за информации и технологија и финансирана од Европската Унија. Програмата започна да се спроведува во 2020 година и од оваа учебна година ќе се реализира во 34 земји во Европа.
Oвој проект има за цел да обучи најмалку 40.000 девојчиња на возраст од 14 до 19 години преку онлајн програми за учење за циркуларна економија, дигитални и претприемнички вештини.

Натпревари по Англиски јазик на ЕЛТАМ МК во 2023 година

Во пресрет на престојниот училиштен натпревар по Англиски јазик кој ќе се одржи во вторник (20.02.2024), се потсетуваме на минатогодишните победници, но и на успесите кои нашите ученици ги постигнаа на акредитираните натпревари по Англиски јазик на ЕЛТАМ МК во 2023 година.
Училишниот натпревар минатата година се одржа на 13.02.2023 и во него учество зедоа вкупно дваесет и шест ученици од прва, втора и трета година од гимназиско образование, текстилно-кожарската струка и економско-правната и трговска струка.
Во натпреварот за прва година првите три места ги зазедоа:
1. Мартин Стојановски (ЕI-1)
2. Матеј Ѓорѓиевски (I-A)
3. Сара Николовска (I-A)
Во натпреварот за втора година најуспешни беа:
1. Хафса Јакупи (II-1)
2. Александра Митевска (II-Б)
3. Ангела Николовска (II-А)
Во натпреварот за трета година најуспешни беа:
1. Сара Манасиевска (III-A)
2. Ангела Николовска (III-Б)
3. Филип Василевски (III-A)
Првопласираните два ученика од секоја година добија можност да го претставуваат СУГС „Кочо Рацин“ на натпреварите на ЕЛТАМ.
Општинскиот натпревар се одржа на 18.03.2023 во просториите на Универзитетот Американ Колеџ Скопје, а три наши ученички го поминаа овој филтер и се пласираа на регионалниот натпревар: Хафса Јакупи (II-1) и Александра Митевска (II-Б) освоија трети награди, а Ангела Николовска (III-Б) втора награда.
Регионалниот натпревар се одржа на 08.04.2023 во СУГС „Никола Карев“. Пласман на државното натпреварување обезбедија Александра и Ангела со освоени трети награди, а Хафса со освоени 66 поени за малку не успеа да им се придружи на државниот натпревар.
Државниот натпревар се одржа на 06.05.2023 во СУГС „Никола Карев“. Во натпреварот за втора година, Александра Митевска го оствари досега најголемиот успех на нашето училиште на ЕЛТАМ натпреварите освојувајќи го третото место со 97 поени во конкуренција на 93 ученици од цела Македонија. Во натпреварот за трета година Ангела Николовска освои 62 поени.
Се надеваме дека оваа година повторно ќе имаме голема заинтересираност пред се за училишниот натпревар, а на оние ученици кои ќе го претставуваат училиштето на натпреварите на ЕЛТАМ им посакуваме многу успех.

СУГС “Кочо Рацин” и Еразмус+

Успешно реализирана практична обука – дел од проектот на нашето училиште СУГС “Кочо Рацин” и Еразмус + , на тема: „Studying European Fashion Trends in Wedding Dress Production”
…….УЧИМЕ И ПАТУВАМЕ…….
21 ден практична настава и обука на учениците од Текстилно-кожарска струка во МОДНОТО АТЕЛЈЕ ЗА ВЕНЧАНИЦИ И СВЕЧЕНА ОБЛЕКА “СИЈАНА” во Асеновград – БУГАРИЈА.
ГОЛЕМА БЛАГОДАРНОСТ ДО ТИМОТ НА “СИЈАНА” што ни овозможија професионална обука и едно прекрасно доживување, до нашите партнери “Центар за Европски иницијативи” – Стара Загора, како и до нашите ученици кои макотрпно работеа со многу љубов.

UPSHIFT младинска програма за иновативни решенија

Ментор : проф. Петре Трајковски

Во изминатите две години, преку UPSHIFT програмата, им овозможивме на младите да се вклучат во изнаоѓање на решенија за предизвиците со кои се соочуваат во своите заедници и да понудат иновативни решенија во вид на производи или услуги. Во самиот процес на развивање на идеите, со поддршка од менторите и со примена на современи алатки, се потикнува иновативно размислување и развој на претприемнички вештини.

Овој пат, отворивме нов повик за идентификување на проблеми кои се предизвикани или продлабочени како последица од кризата и развивање на решенија за истите. Предизвиците може да бидат од различни области: образование, дигитален јаз во учењето на далечина, намалена економска активност во погодени сектори (уметност, туризам, мали бизниси), зголемување на невработеноста, медиумска писменост (пристап до точни информации и проверени информации, борба против лажни вести), заштита на животната средина, намалување на загадувањето и слично.

За учество во програмата потребно е да се формира тим од 2-5 ученици на возраст од 13-19 години и да се пополни апликацијата најдоцна до 20 ноември 2020 година Учесниците на програмата имаат можност да:

• стекнат нови вештини и знаења кои се применливи во решавање на било каков проблем

• придонесат да се реши проблем во нивната заедница а и пошироко

• научат како да дизајнираат, развијат и спроведат идеја

• стекнат нови пријателства

• добијат можност за финансиска поддршка од 2.000 евра за да ја реализираат идејата.

Пандемијата нанесе огромни последици врз секој аспект од нашите животи, вклучувајќи ги образованието, економската стабилност, здравствената и социјалната грижа, како и менталното здравје и благосостојба. Овие последици директно и индиректно влијаат врз децата и младите кои се истовремено и најмногу погодени. Додека светот се справува со предизвиците од КОВИД-19 пандемијата, токму младите ширум светот предводат промени во своите заедници и нудат иновативни решенија.

Денес беше првиот ден од реализација на програмата каде тимовите на ученици учествуваа на работилници. Нашиот “тим 3” е тим составен од учениците од струката: економија, право и трговија кои достојно го претставија нашето училиште пред присутните со сопствена работа и презентирање на сработеното. На почетокот организаторот сподели со нас информации за настанот, потоа се обратија Директорот на UPSHIFT програмата и Директорот на Фондот за иновации и технолошки развој, и потоа добивме насоки како ќе работиме со што бевме поделени во групи (секој тим засебна група). НАШИОТ „ТИМ 3“ успешно ги заврши денешните предвидени задачи, како и презентации на истите низ повеќе сесии. Еве и дел од фотографиите :

 

         

Проект / Соработка со СУГС „Јосип Броз – Тито“

Продолжуваме со реализацијата на проектот „Активности кои придонесуваат за развој и унапредување на мултикултурализмот, меѓуетничката интеграција и толеранција во средните училишта” под менторство на проф. Драган Попоски заедно со учениците од СУГС „Јосип Броз Тито”.

Првата активност од проектот опфати 1+2 работилници. Претставување на учениците беше првиот дел и 2 работилници: „Мултикултурата низ призмата на современите општествени процеси” и втората работилница која се однесуваше на сегментот „Обичаите – мост за меѓуетничка соработка и соживот”.

Работилниците се реализираа он лајн, сите ученици покажаа посебен интерес, беа особено активни и до крај беа вклучени во работилниците. Големо браво за сите ??

СУГС „Кочо Рацин“ објавува конкурс за ученици во рамки на програмата ЕРАЗМУС +

Клучна акција 1:

Мобилности заради учење на поединци за учебната 2020/2021 година

Тема:

„Изучување на европските модни трендови во производство на свадбена облека“ (“Studying European fashion trends in wedding dress production”)

(во прилог документите потребни за пријавување и опис на проектот)
Краток опис на проектот; КОНКУРС ЗА УЧЕСТВО ВО ЕРАЗМУС; SOGLASNOST_RODITEL; II.6-Annex-VET- Learning agreement_2020  и  02-Pupil-application-form